Рэальная справа
29.01.2022Прадаўжаючы фестывальныя традыцыі ў шосты школьны дзень, 29 студзеня ў Бабрыкоўскай сярэдняй школе Пінскага раёне адбыўся конкурс “Рэальная справа”. Конкурс быў прысвечаны фарміраванню экалагічнай культуры вучняў, актыўнай сацыяльна-культурнай пазіцыі ў адносінах захавання флоры і фауны.
На конкурс вучнямі І–ХІ класаў былі прадстаўлены пейзажныя фотаздымкі жывёл і раслін нашай мясцовасці, а таксама малюнкі, дзе паказаны беражлівыя адносіны да прыроды.
У намінацыі “Дыханне прыроды” свае работы прадставілі вучні І, V класаў. Вучні IV класа сталі сапраўднымі экалятамі, якія давалі парады прысутным па беражлівых адносінах да навакольнага асяроддзя.
Найбольшая колькасць конкурсных работ была прадстаўлена ў намінацыі “Прыгажосць вакол нас”. Вучні VІ класа прадставілі работу “Заход сонца”, VІІ клас–“Сустрэча з цудоўным”, VІІІ клас–“Зімовая дарога”. Работа вучняў ІХ класа “Сніцца мне вёска” была прысвечана краявідам вёскі Бобрык Пінскага раёна.
На конкурс у намінацыі “Знікаючы від” было прадстаўлена дзве работы “Соня арэшнікавая” (ІІІ клас) і “Запаведны лес” (Х клас).
Падводзячы вынікі конкурса дырэктар школы Коян Людміла Збышаўна адзначыла, што конкурс атрымаўся сапраўды цікавым і змястоўным, але самае галоўнае, што ў сваіх конкурсных работах вучні паказалі прыгажосць свайго роднага краю.
Н.М.Курыльчык, класны кіраўнік