Вясёлыя прыгоды ў краіне “Чыталіі”
29.03.201927 сакавіка ва ўстанове адукацыі прайшоў літаратурны ваяж сярод вучняў. Юныя чытачы падзяліліся на дзве каманды і гульня пачалася. З маршрутнымі лістамі ў руках дзяўчынкі здзейснілі займальнае падарожжа ў свет дзіцячых кніг. Разгадваючы рэбусы з прозвішчамі дзіцячых пісьменнікаў, яны ўспомнілі сваіх любімых аўтараў, іх вершы, творы. Весела і ажыўлена спаборнічалі дзве каманды “Літаратары” і “Чытачы”. Першы прыпынак называўся "Даскажы слоўца", дзе трэба было дапісаць апошняе слова. Другі прыпынак - “Казачная краіна", дзе ў дзяўчынак была "Кветачка-вясёлка", якую трэба было абраць па лістку і інсцэніраваць без слоў з дапамогай жэстаў і мімікі казку або героя казкі.
У літаратурным ваяжы перамагло сяброўства.
Час прайшоў непрыкметна. Па ззяючых вачах і ўсмешках дзяцей было зразумела, што ім спадабалася.
Да новых сустрэч!
Н.М.Дабярчук, бібліятэкар