Добры дзень, краіна Ведаў!
02.09.2019Настала восені цудоўная пара, над Белай Руссю ўстае ўрачысты світанак і першы праменчык у сінім небе нам сёння шле сваё прывітанне. Сёння ў школе зранку насцеж расчынены дзверы: у школу зноў крочаць дзеці!
Сёння свята, школьнае свята, свята першага званка! З ім звязана вялікая колькасць самых розных уражанняў і перажыванняў, асабліва для першакласнікаў і выпускнікоў. Першы званок новага навучальнага года далі першакласніца Марыя Дабярчук і адзінаццацікласнік Саракалетаў Сяргей, пасля чаго вучні адправіліся на першы ўрок “Занімай, Беларусь маладая мая, свой пачэсны пасад між народамі”, які даў старт новым пачынанням і поспехам, якія абавязкова чакаюць вучняў і настаўнікаў. Шчырыя пажаданні, выказаныя гасцямі, дырэктарам школы, стануць добрым стымулам для дасягнення новых вышынь, а святочны настрой застанецца на ўвесь навучальны год.
Пакарайце новыя вяршыні, рэалізуйце пастаўленыя задачы, вучыце і вучыцеся з задавальненнем і карысцю!
Поспехаў у новым навучальным годзе!
Г.К.Завадская, педагог – арганізатар