Зямля, дзе пачаўся твой лёс
09.09.20197 верасня вучні установы адукацыі сталі ўдзельнікамі краязнаўчага падарожжа “Зямля, дзе пачаўся твой лёс”, прайшлі яго шляхамі – дарогамі, пагаварылі пра родны куток, пра мясціны, што з маленства дарагія.
У спадчыну ад мінулых пакаленняў нам дасталіся назвы населеных пунктаў, рэк, палёў і сенажацяў, урочышчаў. Пазнаёміўшыся з легендамі пра паходжванне назваў вёсак, дзеці ўпэўніліся ў тым, што ні адна назва не ўзнікла выпадкова, без прычыны.
Завяршылася наша падарожжа па незабыўных сцежках роднага краю прыказкамі пра тыя мясціны, дзе кожны нарадзіўся.
Няхай неабмежаваная, шчырая любоў і светлыя ўспаміны заўсёды жывуць у сэрцах, выклікаюць светлыя пачуцці і няхай кожны адчувае сябе сынам альбо дачкою сваёй зямлі.
Г.К.Завадская, педагог – арганізатар