Я гэты край Радзімаю заву
28.09.2020Родны край… Прамаўляем гэтыя словы з любоўю, з гонарам, з душэўнай пяшчотай. Бо гэта наша гісторыя, нашы карані, наша мілая сэрцу родная мова. Самабытны і маляўнічы, край з багатай спадчынай, ён заўсёды чакае нас, каб сагрэць сваім цёплом.
Павага да сваіх каранёў, спадчыны сабрала вучняў і настаўнікаў Бабрыкоўскай сярэдняй школы Пінскага раёна 26 кастрычніка на конкурсе “Я гэты край Радзімаю заву”, які праводзіўся ў рамках фестывалю “Вясёлкавы калейдаскоп”. Конкурс праходзіў па наступных намінацыях: “Нататкі юнага вандроўніка”, “Гісторыя адной вандроўкі”, “Замалёўка вандроўцы”; “Скарбы маёй сям’і”, “Ад прадзедаў спакон вякоў…”, “Гісторыя з сямейнага альбома”; “Духоўныя каштоўнасці рэгіёна ў змесце дзейнасці музея”, “Повязь часоў”, “Крыніцы духоўнасці”. Правядзенню конкурса папярэднічала вялікая работа па збору матэрыялаў як саміх вучняў, так і класных кіраўнікоў, таму мерапрыемства садзейнічала адначасова як пашырэнню ведаў аб культуры, традыцыях свайго народа, так і згуртаванню вучняў і настаўнікаў.
Падчас мерапрыемства быў адзначаны галоўны скарб краю — людзi! Яны ўслаўляюць сваю зямлю, нясуць у свет добрае iмя беларусаў. Пра людзей мы мяркуем па справах, якія яны здзейснілі, па спадчыне, якую яны пакінулі сваім нашчадкам. Адзін з нашых знакамітых землякоў Канстанцін Андрэевіч Хоміч. Архіепіскап Канстанцін — беларускі праваслаўны дзеяч, архіепіскап Брэсцкі і Кобрынскі (1990—2000). Аб ім распавядалі вучні 8 класа, прадставіўшы работу ў намінацыі “Крыніцы духоўнасці”. Акрамя гэтага яны падрыхтавалі прэзінацыю пра наведванне кафедральнага Свята-Сімеонаўскага сабору ў Брэсце, падарылі школьнаму музейнаму пакою кнігу «Жизнь в молитве и любви» (выйшла ў 2011 годзе ў Санкт-Пецярбургу). У гэтай жа намінацыі ўдала праставілі работы вучні 7, 10, 11 класаў.
Сюрпрызам стала прадстаўленне вучнямі VI класа традыцыйных сямейных страў. Першакласнікі прэзентавалі альбом фотаздымкаў з сямейных архіваў.
Непаўторна і цікава прадставілі сваю конкурсную работу ў намінацыі “Гісторыя адной вандроўкі” вучні IX класа ў выглядзе нататкі экскурсіі ў Мала-Плотніцкае лясніцтва.
Скончыўся конкурс, але любоў да роднай старонкі і духоўнай спадчыны застанецца надоўга ў сэрцах удзельнікаў. Такое багацце нельга згубіць, яго трэба клапатліва берагчы і імкнуцца перадаць будучым пакаленням крыніцу жыцця і натхнення – нашу спадчыну. Мы ганарымся нашай малой радзімай, любім яе і спадзяёмся, што у сэрцах назаўсёды захаваецца гордасць, павага і любоў да нашай гасціннай зямлі.
Г.К. Завадская, педагог – арганізатар