Подзвіг у сэрцы
24.02.202223 лютага –Дзень абаронцаў Айчыны і Узброеных Сіл Рэспублікі Беларусь. У гэты дзень ва ўстанове адукацыі прайшло мерапрыемства “Подзвіг у сэрцы”.
Гэты святочны дзень асаблівы ў нашай гісторыі. Сёння мы аддаём даніну павагі і ўдзячнасці беларускім воінам – тым, хто заўсёды аберагаў і працягвае аберагаць нашу Радзіму. Мы ўдзячны ветэранам Вялікай Айчыннай вайны і лакальных канфліктаў, тым, хто сёння стаіць на варце краіны.
Абарона свайго дома, сваёй Айчыны – найпершы абавязак, выкананне якога для кожнага чалавека – справа гонару. Менавіта таму 23 лютага ўсё больш становіцца святам агульнанародным, днём усіх мужных, цвёрдых духам людзей. Любы беларус, які знаходзіцца на баявым пасту або займаецца мірнай справай, – перш-наперш абаронца сваёй Радзімы. І кожны сваёй працай уносіць уклад у павелічэнне багацця і славы нашай краіны.
У ходе мерапрыемства вядучыя напомнілі прысутнічыючым пра гераічны ўчынак двух лётчыкаў Лідскай авіябазы-Андрэя Нічыпорчыка і Мікіты Куканенкі, якія цаной сваіх жыццяў адвялі самалёт, які падае, ад жылых дамоў у Баранавічах і падарылі другі дзень нараджэння сотням жыхароў горада. Андрэю Нічыпорчыку і Мікіце Куканенку пасмяротна прысвоена званне “Герой Беларусі”. Таксама званнем "Герой Беларусі" 21 лістапада 1996 года пасмяротна быў узнагароджаны ваенны лётчык 1-га класа, падпалкоўнік, начальнік паветрана-агнявой падрыхтоўкі 61-й авіябазы ў Баранавічах Уладзімір Карват. Ён загінуў 23 мая 1996 года пры выкананні вучэбна-трэніровачнага палёту, адвёўшы падаючы самалёт ад населенага пункта.
Дзень абаронцаў Айчыны і Узброеных Сіл — наша агульнае свята, свята людзей, якія любяць сваю Радзіму і гатовы ўсімі даступнымі сродкамі абараняць яе.
Класны кіраўнік ІХ класа С.М.Завадская