Гонар за Беларусь
27.04.202327 красавіка ва ўстанове адукацыі прайшоў чарговы занятак у рамках праекта “Школа Актыўнага Грамадзяніна”. На гэты раз аб’ектам увагі стала тэма “Гонар за Беларусь. Культура беларускага народа: традыцыі, спадчына, сучаснасць”.
У рамках праекта вучні пазнаёмілі са зместам інфармацыйных блокаў: «Беларусь–краіна шматвяковай і самабытнай культуры», «Беларусь –краіна таленавітых людзей». Адказалі на пытанне, што складае нацыянальную культуру беларускага народа, чаму так важна захоўваць духоўныя каштоўнасці і традыцыі, сфарміраваныя на аснове гістарычнага вопыту многіх пакаленняў. Кавалевіч Ірына і Прыгодзіч Вераніка паведамілі аб адноўленых гісторыка-культурных каштоўнасцях: тэатрах, замках, сядзібах, музеях, мемарыяльных комплексах, выставачных цэнтрах.
Удзельнікі мерапрыемства падзяліліся сваімі ўражаннямі аб наведванні вядомых помнікаў гісторыі і культуры Рэспублікі Беларусь, дзе яны пабывалі падчас школьных экскурсій і сямейных падарожжаў, прадставілі разнастайнасць грамадска-культурнага жыцця сучаснай малой радзімы: святы, абрады і народных умельцаў. Паразважалі аб тым, што кожны з іх у сілах зрабіць, каб зберагчы і прымножыць гісторыка-культурную спадчыну роднай краіны.
Мерапрыемства паказала, што маладое пакаленне ведае і і шануе культурны здабытак нашага народа.
У.А.Банцэвіч, класны кіраўнік